Fatbardh Gashi, ylli i Kosovës U14 që “çmendi” Gjermaninë (FOTO/VIDEO)

17:51 | 12 Korrik 2017
Arbresh Info

Talentët e rinj të futbollit kosovar vazhdojnë të shfrytëzojnë turnet ndërkombëtare për të treguar aftësitë e tyre të shkëlqyera.

I fundit është përfaqësuesi i Kosovës U14, Fatbardh Gashi që ka tërhequr vëmendjen e të gjithëve në turneun ‘Komm Mit International Munich Summer Cup’ të organizuar në Gjermani, shkruan portali arbresh.info.

Sulmuesi së bashku me skuadrën e tij KF Rilindja ka siguruar vendin e parë në këtë turne ndërkombëtar veror.

Fatbardh Gashi fitoi çmimin "Lojtari më i Mirë" në turneun ‘Komm Mit International Munich Summer Cup’
Fatbardh Gashi fitoi çmimin “Lojtari më i Mirë” në turneun ‘Komm Mit International Munich Summer Cup’

14-vjeçari ka fituar çmimin “Lojtari më i Mirë” si dhe ishte golashënuesi më i mirë i turneut me gjithsej 7 gola.

Aftësitë e tij impresive mund t’i vëreni edhe në videon më poshtë, ku Gashi menjëherë pasi pranon topin në mbrojtje nga njëri prej bashkëlojtarëve të tij, i vetëm niset drejt portës së kundërshtarit duke kaluar të gjithë skuadrën dhe duke shënuar një super gol.

Edhe goli i dytë është gjithashtu i tillë duke lënë portierin të pashpresë me goditjet e tij të pandalshme./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm